Tiktik itinumba

MANILA, Philippines - Pinatay ang isang intelligence operative ng hindi pa nakilalang mga armadong kalalakihan sa Brgy. 2, La Carlota City, Negros Occidental kamakalawa ng gabi.

Ang biktimang si PO2 John Gallenero Jr. ay dead-on-the spot sa tinamong mga tama ng bala sa iba’t-ibang bahagi ng katawan.

Ayon sa pulisya, naganap ang insidente sa nasabing lugar bandang  alas-7 ng gabi habang naka-duty  ang biktima ay bigla na lang itong pinagbabaril ng mga armadong suspek na sakay ng Mitsubishi Adventure.

Ang biktima ay nagtamo ng mga tama ng bala ng M16 rifle sa iba’t-ibang bahagi ng katawan na siyang dagliang tumapos sa buhay nito.

Nabatid na ang biktima ay aktibo sa anti-drug campaign sa La Carlota City na siyang hinihinalang motibo ng krimen. Narekober ang isang cal. 45 na pag-aari naman ng biktima.