PNP nagbabala sa bawal na paputok at indiscriminate firing

MANILA, Philippines - Nagbabala ang Philippine National Police (PNP) laban sa  sinumang    gagamit  ng illegal na paputok at masasangkot sa indiscriminate firing dahil sa ipapairal ang  full force of the law.

Ipinag-utos ni PNP Officer in Charge De­puty Director Leonardo Espina  ang  mahigpit na pagpapatupad sa Republic Act 7183, ang batas na nagreregulisa sa pagmamanupaktura, pagbebenta, distribus­yon at paggamit ng mga bawal na paputok at pyrotechnics devices.

 Nagbabala ang PNP na lubhang peligroso ang mga paputok na naglalaman ng mga pulburang higit sa. 2 gramo o mahigit sa 1/3 kutsara dahil maaari itong makamatay at matin­ding makapinsala.