Pusher ng marijuana, timbog sa buy bust

MANILA, Philippines - Isang 25-anyos na lalaki ang naaresto ng mga otoridad sa isang buy bust operation ng marijuana kamakalawa sa San Juan City.

Ang suspek ay kinila­lang si Justin Cortez, alias  Tuteng, binata, ng J. Basa St., Barangay Pedro Cruz,  San Juan City.

Bago ito ay naka­tang­gap ng ulat ang mga oto­ridad hinggil sa sinasabing talamak na bentahan ng ipinagbaba­wal na droga sa mga
es­tudyante sa Barangay Pedro Cruz at mga kalapit pa nitong barangay.

Nang makumpirma ay kaagad na isinagawa ng mga otoridad ang buy bust operation at dinakma si Cortez habang aktong inaabot ang
nasa P200 halaga ng marijuana at nakum­piska rin ang nasa kalaha­ting kilo ng pinatuyong dahon ng marijuana.