Transport prexy itinumba ng nakamaskara

MANILA, Philippines - Namatay noon din ang isang pangulo ng transport group matapos pagbabarilin ng isang lalaki na nakamaskara sa loob ng kanyang bahay sa Rodriguez, Rizal  kahapon.

Kinilala ang nasawing si Anthony ‘Tonton’ Inopiquiz, 42, may-asawa ng Barangay San Rafael, Rodriguez, Rizal at pangulo ng Concern Operators of Metro Transport at Secretary General ng Stop and Go Transport Coalition.

Sa ulat, dakong alas-1:00 ng hapon ay nagpapahinga ang biktima sa loob ng kanilang bahay nang pumasok ang isang lalaki na nakamaskara at walang kaabog-abog na pinagbabaril ang biktima.

Tinamaan ang biktima ng dalawang tama ng bala sa ulo at pito sa katawan.

Mabilis na sumakay ang gunman sa nag-aantay na motorsiklo.