Pulis patraydor na tinodas

MANILA, Philippines – Patraydor na pinagbabaril ang isang pulis ng hindi pa kilalang gunman habang ito ay nagkukumpuni ng motorsiklo kamakalawa ng hapon sa Navotas City.

Ang biktima na hindi na umabot ng buhay sa ospital ay kinilalang si PO1 Ronnie Dela Cruz, 30, residente ng no. 122 E. Mariano Street, Brgy.Tangos, ng naturang lungsod.

Batay sa ulat, dakong alas-3:30 ng hapon ay nagkukumpuni ang biktima ng isang motorsiklo sa motorshop na kanyang pag-aari na matatagpuan sa  Angeles Bldg. M. Naval St., Brgy. San Roque.

Biglang sumulpot ang hindi nakilalang suspek at agad na pinaputukan ang pulis at kaswal lamang umanong naglakad palayo ang sa­larin matapos ang pamamaril.