Tatay kritikal, anak nailigtas... dinamita inakalang lusis sinindihan, sumabog
MANILA, Philippines – Isang 34-anyos na tatay ang nasa kritikal na kondisyon nang sagipin nito ang buhay ng anak sa sumabog na dinamita matapos na ito ay sindihan sa pag-aakalang ito ay lusis naganap kamakalawa sa Brgy. Kalintana, Naga, Zamboanga, Sibugay.
Ang biktima na ginagamot sa Dr. Simon Medical Hospital dahil sa tinamong mga grabeng sugat sa pagsabog ng dinamita ay kinilalang si Haijirin Jainal, mangingisda.
Batay sa ulat, bago nangyari ang pagsabog ng dinamita sa bakuran ng pamilya dakong alas- 10:07 ng umaga ay kauuwi lamang ng biktima mula sa pamamalakaya nang maabutan nito ang kaniyang anak na si Adhar Jainal, 10 anyos na naglalaro ng dinamita na sinindihan nito sa siga mula sa kanilang bakuran.
Napatakbo si Haijirin ng makitang nasa panganib ang kaniyang anak at inagaw mula rito ang dinamitang may sindi na habang hawak ng naglalarong bata.
Subalit, sumabog ang dinamita na sumambulat sa katawan ng ama na naging dahilan para ito ay madalas sa ospital.
Ang nasabing dinamita ay gamit umano sa illegal na pangingisda na inaalam pa kung pag-aari ng biktima at kung saan ito nakuha ng bata.
- Latest
