‘Freddie Aguilar’, 1 pa tiklo sa kidnapping

MANILA, Philippines – Matagumpay na nasagip ng mga otoridad sa loob lamang ng 24 oras ang dinukot na 12-an­yos na batang lalaki at naaresto ang dalawang kidnaper na ang isa ay kapangalan ng folk singer na si Freddie Aguilar kahapon ng madaling-araw sa Samal, Bataan.

Bukod kay Aguilar ay nasakote rin ang kasama nitong si Alvin Samar.

Batay sa ulat, dinukot ng mga suspek ang 12-anyos na batang lalaki sa eskwelahan nito sa Sto. Cristo, Concepcion, Tarlac nitong Biyernes.

Sa isang follow-up operation ay natunton ng mga otoridad ang pinagtataguan sa biktima sa Brgy. Hugo kung kaya’t alas-2:30 ng madaling araw ay isinagawa ang rescue operation at nasagip ang biktima at nadakip ang mga suspek.