2 Todas, 17 sugatan sa nahulog na bus
MANILA, Philippines - Isang pampasaherong bus ang nahulog sa bangin na ikinasawi ng dalawang katao at pagkasugat ng 17 iba pa kamakalawa ng gabi sa national highway ng Brgy. Maragang, Tigbao, Zamboanga del Sur.
Namatay noon din ang mga biktimang sina Baharan Aurea Maulod, nasa hustong gulang, Officer-in-Charge ng National Commission for Indigenious People (NCIP) sa Basilan City, Basilan at ang driver ng bus na si Macario Omac, 46.
Nasugatan naman ang 17 ibang pasahero na dinala sa Zamboanga del Sur Medical Center.
Sa ulat, bandang alas-10:30 ng gabi ay kasalukuyang bumabagtas sa nasabing highway ang Rural Transit Bus Transit in Mindanao Inc. (JVH 435) nang mawalan ng kontrol sa manibela ang driver dahilan para banggain ang isang kongkretong bahay sa tabi ng highway at kasunod ang pagkahulog nito sa bangin na may 10 metro ang lalim.
- Latest
