40 sugatan... bus nahulog sa bangin: 3 patay
MANILA, Philippines – Nasawi ang tatlong lalaki habang nasa 40 iba pa ang sugatan nang mahulog ang kanilang sinasakyang pampasaherong bus sa may 100 talampakang lalim ng bangin sa Zigzag Road ng Pagbilao, Quezon, kahapon ng madaling araw.
Wala pang nakukuha na pagkakakilanlan sa tatlong lalaki na nasawi dahil walang nakuhang anumang identification sa mga ito.
Isinugod naman sa magkakahiwalay na pagamutan sa Pagbilao at Lucena City ang 39 pasaherong sugatan.
Batay sa ulat, bago nangyari ang insidente dakong alas-3:15 ng madaling-araw sa may New Zigzag Road, Sitio Upper Sapinit, Brgy. Silangan Malicboy, Pagbilao ay sakay ang mga biktima ng Raymond bus na galing Masbate, patungong Maynila.
Bigla na lamang umanong nawalan ng preno ang bus pagsapit sa pakurbang daan kaya hindi na ito makontrol at dumiretso sa bangin na may lalim na 100 talampakan.
- Latest
