Mag-asawa dedo sa tandem

MANILA, Philippines - Kapwa nasawi ang isang mag-asawa nang ito ay pagbabarilin ng riding-in-tandem cri­minals kamakalawa sa national highway ng bayan ng Pikit, North Cotabato.

Ang mga biktima ay kinilalang sina Violeta Flores Almazan, 62, DepEd District Supervisor sa Midsayap South District at mister nitong si Gervacio Almazan, 63; retiradong empleyado ng gobyerno at residente ng Magpet ng lalawigang ito.

Ayon sa ulat, dakong alas-4:00 ng hapon ay magkaangkas sa kulay pulang motorsiklong XRM (LX3393)  ang mag-asawa patungong Midsayap galing Arakan nang sundan at ratratin ng mga armadong salarin na sakay rin ng motorsiklo pagsapit sa national highway ng Brgy. Dalingaogen, Pikit.