4-anyos lasog sa van

Cavite, Philippines - Nalasog ang katawan ng isang 4-anyos na lalaki  nang salpukin ng van sa Naic, Cavite kamakalawa.

Nasawi habang ginagamot sa Naic Doctors Hospital ang biktimang si Steven Sugatan, 4-taong gulang, residente ng Brgy. Muzon, Naic, Cavite bunsod ng pinsalang tinamo sa ulo at katawan.

Arestado naman at ngayo’y nakakulong ang suspek na si Alvin Reyes, 38, may asawa ng Jovillar St. Magallanes, Cavite.

Batay sa ulat, naglalakad umano ang biktima sa gilid ng kalsada sa Governor’s Drive sa tapat ng kanilang bahay bandang 10:00 ng umaga nang mahagip ng rumaragasang Mitsubishi L300 van ng suspek na papunta sana sa bayan ng Maragondon.

Sa lakas ng impact ay tumilapon ang bata nang mabundol kaya nalasog ang katawan. Inihahanda na ang kasong isasampa laban sa suspek.