Granada ng riding-in-tandem, sumambulat

MANILA, Philippines - Malaki ang paniwala ng otoridad na ang granadang sumabog na dala ng riding-in-tandem suspect ay gagamitin ng mga ito bilang panakot sa kanilang mga bibiktimahin na naganap bago umakyat ng Delpan Bridge, Maynila.

Ayon kay Manila Police Station 2 Delpan PCP chief, Sr. Insp. John Guiagui, na isang kulay asul na Mitsubishi Adventure ang sinusundan ng riding-in-tandem at pilit itinututok sa salamin ng sasakyan ang hawak nilang granada nang ito ay aksidenteng mabita­wan ng backrider.

Nakaligtas ang mga suspek sa pagsabog, su­balit tinamaan ang dumadaang motorsiklo na minamaneho ni Peter San Diego  dahilan para tumaob ang motorsiklo at nabagsakan ito.