Obrero nahulog sa gusali, todas

MANILA, Philippines - Ilang oras na nakipagbuno sa kamatayan ang isang 58-anyos na obrero matapos na mahulog mula sa 20 talampakang taas ng gusali habang pinuputol ang sanga ng mangga na nabuwal ng bagyong Glenda kamakalawa sa Malate, Maynila.

Ang nasawi ay kinilalang si Ruben Beraquit, 58, ng Block 31, Lot  38, Phase 3, Southville I, Marinig, Cabuyao, Laguna.

Batay sa ulat, bandang alas-9:30 ng umaga  nang umakyat ang biktima at ilang kasamahang obrero sa rooftop ng United Methodist Mission House na matatagpuan sa no. 1846 J. Bocobo St. Malate para putulin ang mga nasirang sanga ng puno ng mangga.

Habang nakatapak ang isang paa ng biktima sa bubong habang at ang isa ay sanga nang  mawalan ng balanse at nahulog.

Una ang ulo ng biktima na bumagsak sa sementadong kalsada.

Dinala ang biktima sa Ospital Ng Maynila para malapatan ng lunas sa tinamong malaking sugat sa ulo hanggang sa kaliwang tenga.