P50K halaga ng shabu nasamsam sa raid

MANILA, Philippines - Umaabot sa P50,000 halaga ng labing-anim na plastic sachet ng shabu ang nasamsam sa isang pagsa­lakay na isinagawa kahapon ng madaling-araw sa Pasay City.

Sa ulat, dakong alas-3:00 ng madaling nang magsagawa nang pagsa­lakay ang pulisya sa  isang bahay sa Maginhawa St., Barangay 14 sa bisa ng search warrant na inisyu ng Pasay City Regional Trial Court.

Mabilis na nakatakas ang mga tao sa bahay na kung saan ay naiwan ang 16 pirasong plastic sachet na naglalaman ng shabu.

Isinagawa ang ope­rasyon base na rin sa ilang reklamong kanilang natatanggap hinggil sa talamak umano ang droga sa natu­rang lugar.