2 tinamaan ng kidlat
MANILA, Philippines - Nasawi agad ang dalawang lalaki matapos na tamaan ng kidlat sa magkakahiwalay na insidente sa lalawigan ng Pangasinan, kamakalawa.
Sa ulat, bandang alas-4:00 ng hapon noong Miyerkules nang masapul ng kidlat ang biktimang si Lito de Vera, 43, ng Brgy. Pangaloan, San Carlos City ng lalawigan.
Maghahatid sana ng meryenda sa kaniyang mga kasamahang magsasaka ang biktima ng tamaan ito ng kidlat.
Ganito rin ang sinapit ng isang 18 anyos na binata na nakilalang si Rocky Villena nang tinamaan ng kidlat sa kasagsagan ng malakas na pag-ulan sa Brgy. Agdao, Malasiqui bandang alas-5:00 ng hapon.
Nagbabala naman ang lokal na pamahalaan sa mga residente sa nasabing lalawigan na huwag makipagsapalaran kapag masungit ang panahon upang makaiwas sa mapanganib na kidlat.
- Latest
