Lolo na police asset inutasng mag-amang pusher

MANILA, Philippines - Pinagbabaril ang isang 65-anyos na lolo  ng isang mag-aama habang ito ay naglalakad kamakalawa ng gabi sa Tondo, Maynila.

Nasawi noon din ang biktimang si Diomedes Timoteo, vendor,  ng 304 Sampaloc, St., Rawis,  Tondo, Maynila.

Nadakip naman ang isang Angelito Ferrer, 33, pintor, na umano’y nagsilbing look-out at alalay ng mag-amang suspek na sina Samson Donggon Sr. at anak na si Samson Jr., ng 200 Sampaloc St., Rawis, Tondo.

Sa ulat, dakong alas 10:15 ng gabi ay nagla­lakad ang biktima sa kanto ng CP Garcia at Rawis Sts., Tondo nang ito ay pagbabarilin ng mag-amang Samson.

Ayon sa anak ng biktima na si Leonardo na pinaghihinalaang asset ng pulis ang kanyang ama at ito ang nakikitang motibo kung bakit ito  binaril dahil inakala ng mga suspek na isinusumbong ito  sa pagbebenta nila ng shabu.