Fetus sa garapon iniwan sa dyip

MANILA, Philippines - Isang fetus na nakalagay sa garapon ang iniwan sa isang pampasaherong jeep ng hindi pa nakikilalang babae kamakalawa sa Navotas City.

Ang naturang fetus na isang lalaki ay tinatayang nasa 4-5 buwang gulang na iniwan ng babae na tinatayang nasa 25-30 taong gulang, payat at may taas na 4’9”.

Sa salaysay ng isang Edwin Abella, estud­yante, kasakay niya at ng mga kaklase niya ang naturang babae sa loob ng pampasaherong jeep dakong alas-5:45 ng hapon at pagsapit sa C3 Road sa North Bay Boulevard South ay bumaba.

Napansin naman nila na naiwan ng babae ang isang plastic bag kaya’t tinawag pa nila ito ngunit hindi sila nadinig at nagmamadaling umalis.

Nang buksan ng mga estudyante ang laman ng plastic bag ay tumambad ang fetus na nasa loob ng garapon.