Bagong promote sa trabaho itinumba ng tandem

MANILA, Philippines - Dead on the spot ang isang 42-anyos na bagong promote bilang assistant supervisor ng Manila Toll Expressway System (MATES) nang barilin sa ulo at katawan ng angkas sa  isang motorsiklo kahapon ng madaling-araw sa Muntinlupa City.

Ang nasawi ay kinilalang si Rodelio Umali, residente ng Building 1-104 Sambahayan Rawis Chesa St.,  Tondo, Maynila.

Sa ulat, alas-4:30 ng madaling araw ay sakay ang biktima ng kanyang minamanehong Kawasaki Rouser (7748-TQ) at binabagtas ang kahabaan ng Commerce Avenue nang sundan ito  ng dalawang lalaking magka-angkas sa isang motorsiklo at kapwa nakasuot ng helmet.

 Pagsapit sa kanto  ng East Asia Drive Avenue, Filinvest Corporate City sa Alabang ay binaril ito ng angkas at pagbagsak ng biktima ay mabilis na tumakas ang mga suspek.

Nakikipag-ugnayan na ang pulisya sa dalawang fast food chain sa naturang lugar na may nakakabit na CCTV upang makahingi ng kuha sa nangyaring krimen.