Granada sumabog sa detachment: 2 patay,10 sugatan

MANILA, Philippines - Isang M203 grenade launcher ang aksidenteng sumabog sa detachment ng CAFGU Active Auxiliary (CAA)  na ikinasawi ng 2 miyembro at pagkasugat ng 10 pa kamakalawa sa Mandaon, Masbate.

Binawian ng buhay habang nilalapatan ng lunas ang dalawang CAFGU sa Masbate Provincial Hospital na pansamantalang hindi muna tinukoy ang pangalan.

Habang ang 10 na nasugatan ay inilipad  ng helicopter patungo sa Legazpi City upang ipagamot sa Bicol Regional Training and Teaching Hospital.

Sa ulat,bandang alas-8:00 ng umaga nang mangyari ang pagsa­bog ng 40 Mm grenade launcher sa Tulda Detachment ng mga CAFGU sa bayan ng Mandaon.

Nabatid na kasaluku­yang nililinis ng CAFGU na si Romy Arriola ang kaniyang rifle nang aksidente nitong makalabit ang gatilyo bunsod upang sumabog ang nakakargang grenade launcher.