Inaway ng syota... Binata nagbigti
MANILA, Philippines - Nagbigti ang isang binata matapos umanong mag-away sila ng kanyang siyota sa Brgy. Poblacion 5, Gen. MaÂriano Alvarez, Cavite, kahapon ng umaga.
Ang biktimang wala ng buhay ng madatnang nakabigti ng kanyang kapatid ay nakilalang si Astero Paleso, 36, residente ng Blk 8, Lot 109, Brgy. Poblacion 5 ng nasabing bayan.
Sa imbestigasyon ni PO1 Bobby Balazo may hawak ng kaso, dakong alas-7:15 ng umaga ng mabungaran ng kapatid ng biktima na si Richard sa loob ng kuwarto nito na nakabigti.
Dahil sa pagkataranta ay tumawag ito ng kanyang mga kapitbahay at pinagtulungan nilang ibaba ang biktima kung kaya nadatnan ito ng pulisya na tanggal na sa pagkakabigti.
Sa pagsisiyasat ng pulisya, emosyonal problem umano ang posibleng dahilan ng pagpapakamatay ng binata makaraang mag-away at magtampuhan sila ng kanyang siyota.
- Latest
