Palakasan sa karagatan sasagwan ngayon

MANILA, Philippines - Magpapakitang gilas ang pinakamagaling na mga bangkero at mananagwan sa pagtatanghal ng taunang  Manila Bay Seasports Festival ngayong araw at sa Linggo (Marso 8 at 9).

Lalahok ang batikang mga bangkero mula iba’t ibang bahagi ng bansa at dito ay 18 koponan ang tampok sa dragon boat competition na kinakahiligan ngayon ng mga estudyante’t propesyonal. 

Kaya’t kakaibang uri ng tuwa at sigla ang makikita ng mga manonood sa bawat hatak ng sagwan at mahigpitang pag-ungos sa stock at formula races ng mga bangkang de-motor.

Ang 2014 Manila Bay Seasports Festival ay proyekto ng Manila Broadcasting Company at Lungsod ng Maynila, sa pakikipagtulungan ng Philippine Coast Guard.