Lady trader dinukot ng Abu

MANILA, Philippines - Sa loob mismo ng kanyang tindahan dinukot ang isang ginang na si Sugar Esperanza Buenviaje ng mga kalalakihan na hinihinalang mga miyembro ng Abu Sayaff Group kamakalawa ng alas-5:35 ng hapon sa  Mapun, Tawi-Tawi.

Nabatid na puwersahang pinasok ang biktima ng mga armadong kalalakihan ang tindahan at dito ay tinangay at isinakay sa isang pumpboat na naghihintay sa hindi kalayuan.

Ang biktima ay nagmamay-ari ng barkong M/L Sugar Dianne na may ruta sa lalawigan ng Tawi-Tawi, Sulu, Zamboanga City at Palawan.

Nagsagawa ng search and rescue operation ang PNP, Philippine Navy, Philippine Coast Guard (PCG).

Ang isla ng Mapun ay malapit sa isla ng Sabah, Malaysia kaya inaalam pa rin ng otoridad ang posibilidad na maaaring dinala doon ang biktima.