Kolehiyo grinanada: 26 sugatan

MANILA, Philippines - Nasa 26 katao ang iniulat na sugatan habang kritikal ang isa nang sumambulat ang granada na inihagis sa Presidential Cottage ng Cotabato Foundation College of Science and Technology (CFCST) kamakalawa ng gabi sa Barangay Doroluman, Arakan, North Cotabato.

Ang mga nasugatan ay kinilalang sina PO1 Eleazer B Lorenzo; Melody Caro; Albert  Plang Mapas; Joselito Cases; Lodevico Jordan Taniongon; Liezel Lariosa   Hapie; Quilborn Abdullah Mantawil; Leo Robert Tuble; Salajudin Kasan  Abedin; Lloyd Yumen, Jr.; Almoctader Lumabas; Marco Adam; Mohamad  Abdulla; Mohamad Nasa; Esmael Datuan; Albasser  Manalasal; Eugine Edzakal; Saek B Dimapalao; Norsaiden Hadjiharon;  Abubakar Mamalac; Eugene Lamada Edzahal; Abdul Hapie at isang inaalam pa ang pa­ngalan. Batay sa ulat, bandang alas- 9:00 ng gabi nang masunog ang kitchen area sa bunkhouse ng mga guwardiya sa CFST na matatagpuan sa Brgy. Doroluman,  Arakan ng lalawigan.

Nagresponde ang mga bumbero, pero ilang minuto lamang ay may naghagis ng granada na mga kalalakihang nagtatago sa madilim na bahagi ng lugar na mabilis na kumaripas ng takbo. - Joy Cantos, Rhoderick Beñez-