Bata nalunod sa ilog
MANILA, Philippines - Nalunod sa ilog ang isang 7-anyos na batang lalaki kamakalawa ng hapon sa Quezon City.
Kinilala ang biktima na si Rhian Carl CanaÂlita, residente ng Libis St., Barangay Apolonio Samson, Balintawak.
Batay sa ulat, dakong ala-1:30 ng hapon nang makitang palutang-lutang sa Dario River malapit sa Loraine St., Parkway Village, Barangay Apolonio Samson.
Matapos mabatid ng mga barangay public safety officers (BPSOs) ang naturang insidente, agad nilang pinuntahan ang lugar at iniahon ang biktima.
Itinakbo pa si Rhian sa Quezon City GeÂneral Hospital (QCGH) na idineklarang patay ganap na alas-2:11 ng hapon.
Nabatid na ang biktima ay kasama ng kanyang 11-anyos na kapatid na si Emmanuel Gabriel sa naturang lugar.
Malaki ang hinala ng pulisya na iniwan sandali ang biktima ng kapatid at lumapit sa ilog at nalaglag at nalunod.
- Latest
