Nasawi kay ‘Yolanda’ 6,057 na
MANILA, Philippines - Umabot na sa 6,057 ang naitatalang nasawi sa panaÂnalasa ng super bagyong ‘Yolanda’ sa Eastern Visayas at karatig rehiyon.
Sa ulat ng National Disaster Risk Reduction and MaÂnagement Council (NDRRMC), nakarekober pa ng mga bangkay ang mga awtoridad kaya patuloy na lumolobo ang mga casualty at nanatili naman sa 1,779 ang bilang ng nawawala, habang 27,468 ang sugatan.
May 16 milyon katao ang naapektuhan, habang 3.9 milyon individual ang na-ilikas, at 100,000 pa rito ang nanatili sa mga evacuation centers.
Ang bilang naman ng mga nasirang kabahayan ay tumaas sa 1,142,890 ang 551,453 dito ay totally damage, habang may 591,437 naman ang bahagyang nasira.
Bagama’t ang ibang naapektuhang paliparan o airport ay fully functional, ang operasyon sa Tacloban City Airport ay limitado pa rin.
Ang pagrekober sa mga nasirang imprastraktura at agrikultura ang pinakamahirap na trabaho ng pamahalaan, dahil umabot na sa P7.2 million halaga ng pananim, at bukirin ang nasira, habang ang halaga ng nasirang imprastraktura ay umabot na sa P14.48 milyon
- Latest
