Magkaaway nagtagpo, 1 dedo

MANILA, Philippines - Isang kawani ng gobyerno ang nasawi nang ito ay pagbabarilin ng kaaway nang magsalubong sa daan kamakalawa sa bayan ng Gigaquit, Surigao del Norte.

Ang nasawi ay nakilalang si Alejandro Turtor, 45-anyos, empleyado ng pamahalaang lokal ng Gi­gaquit.

Ang suspek na tumakas ay nakilalang si Harnel Tutor, 34-anyos, chainsaw operator.

Batay sa ulat, dakong alas-12:45 ng tanghali nang magsalubong ang biktima at suspek na dati nang magkaaway sa Sitio Tuya-Tuya, Brgy. Poniente.

Nagkaroon ang mga ito nang mainitang pagtatalo hanggang sa bumunot ng baril ang suspek at binaril ang biktima sa dibdib na  agad nitong ikinamatay.