SWS: 10.8-M pamilyang Pinoy naghihirap
MANILA, Philippines - Nasa 10.8 milyong pamilyang Pilipino ang nagsasabing sila ay naghihirap ngayong ikatlong quarter ng 2013.
Ito ay batay sa isinagawang survey ng Social Weather Stations (SWS) noong September 20 hanggang 30 mula sa 1,200 katao na may 18 anyos pataas.
Noong Hunyo ay nasa 10.4 milyon ang nagsasabing mahirap sila batay sa isinagawang survey sa nasabing buwan.
Sa naturang mga survey ay nagpapakita ito na maraming pamilyang Pilipino ang nagsasabing nagkukulang sila sa pagkain.
Nakasaad pa sa survey, na kailangang kumita ang isang pamilya ng P15,000 kada buwan upang makasapat ang pangangailangan ng pamilya sa Metro Manila.
Dapat naman ay nasa P10,000 kita kada buwan ang kailangan ng bawat pamilya sa Luzon at Visayas para hindi matawag na mahirap at P9,500 sa Mindanao.
Ang mga taga-MeÂtro Manila ay dapat na umaabot sa P8,500 ang monthly food budget, P5,000 naman sa iba pang bahagi ng Luzon at Visayas, at P4,000 naman sa MinÂdanao.
- Latest
