Tserman, 2 pa tiklo sa shabu
MANILA, Philippines -Nadakip ng mga opeÂratiba ng Philippine Drug Enforcement Agency (PDEA) sa isang buy-bust operation sa Iloilo City ang isang barangay chairman, lover nito at isang drug runner.
Ang mga suspek ay kinilalang sina Meliton Buyco IV, alyas Tantan, 46, incumbent barangay chairman ng Barangay Poblacion, Anilao, Iloilo; ang kinakasama na si Mary Lou Andonaque, alyas Miles, 27; at Michael Apura, 31, drug runner ni Buyco.
Nadakip ang mga suspek ng tropa ng PDEA Regional Office 6 (PDEA RO6) Special Enforcement Group sa pamamagitan ng buy-bust operation sa bahay ni Buyco na matatagpuan sa Lopez Jaena St., Poblacion, Anilao, Iloilo, ganap na alas-9:00 ng umaga.
Nakumpiska sa operasyon ang 10 plastic sachets ng shabu, mga drug paraphernalia at limang piraso ng P100 peso-bills na ginamit na marked money.
Si Buyco ay nahaharap sa kasong paglabag sa Section 5 (Sale of Dangerous Drugs) at Section 6 (Maintenance of a Drug Den), Article II ng Republic Act 9165, o ang Comprehensive Dangerous Drugs Act of 2002, habang Section 5 at Section 6, in relation to Section 26 (Conspiracy) ang isinampa naman sa korte laban kina Apura at Andonaque.
- Latest
