3 Bodyguard ng mayor utas sa ambush

MANILA, Philippines - Napatay sa isang ambush ang tatlong security aide ng isang alkalde nang pagbabarilin ang kanilang sasakyan kahapon ng umaga sa Talitay, Maguindanao. Ang mga nasawing biktima ay nakilala sa mga alyas na Boy, Tams at Deds na pawang security escort ni Talitay Mayor Montasser Sabal.

Batay sa ulat, dakong alas-7:45 ng umaga nang pagbabarilin ang mga biktima habang sakay ng isang kulay abong Hilux (TOU-356) patungong Cotabato City.

Patuloy pang inaalam ang grupong nasa likod ng pana­nambang, pero hindi inaalis na posibleng mula ang mga ito sa mga rebeldeng Muslim.