Kuta ni Nur et al tukoy na

MANILA, Philippines - Binigyan diin kahapon ni  Justice Secretary Leila de Lima na mayroon na umano silang lead kung saan nagkukuta si MNLF Chairman Nur Misuari at 64 nitong kasamahan na anumang oras ay kanila na itong madarakip sa kasong rebelyon at paglabag sa International Humanita­rian Law.

Sinabi ni  De Lima na naantala lamang ang inilabas na warrant of arrest ng Zamboanga City Regional Trial Court (RTC) laban kay Misuari  at iba pa dahil sa  nangyaring pagbaha sa lungsod.

Nabatid na hawak umano ng panel of prose­cutor ang matibay na ebi­densya laban sa mga lider ng rebelde na nanguna sa paglusob kamakailan sa lungsod na kung saan ay nasa 300 na ang nadarakip at nakasuhan.