Abad pinagpapaliwanag sa DAP

MANILA, Philippines -Dapat anyang ipaliwanag ni Department of Budget and Management  (DBM) Secretary Butch Abad ang umano’y pina­migay nito na P10 mil­yon at P50 milyon na Dis­bursement Acceleration Program (DAP) sa mga mambabatas noong Coro­na impeachment trial.

Ayon kay independent minority block leader Ferdinand Martin Romualdez at Buhay partylist Rep. Lito Atienza, ang nabun­yag na extra pork sa mga mambabatas ay mas nagbibigay umano ng dahilan na i-itemized ang budget na hinahawakan ng pangu­lo para sa transpa­rency at accountability ng mga public funds upang maiwa­san ang mga pang-aabuso sa paggamit ng lump sum funds lalo na ngayon sumabog na naman ang panibagong kontrobersya sa pamimigay umano sa mga kongresista ng nasabing halaga.

Inakusahan naman ni Navotas Rep. Toby Tiangco si Abad na sinungaling dahil wala naman umano siyang natanggap na ganun pondo dahil hindi naman siya nagbigay ng suporta sa pagpapatalsik kay Corona.

Giit ni Tiangco mali­naw na ito ay Corona sti­mulus fund o pabor sa mga mambabatas na bu­moto para mapatalsik ang dating punong mahistrado.