Welder tinodas sa likod ng presinto

MANILA, Philippines - Natagpuang patay ang isang 50-anyos na welder sa isang cons­truction company ma­ka­raang sak­sakin ng isa umanong ma­ngi­ngisda habang natutulog sa Ocean Park compound, sa likod ng Luneta Police Com­munity Precinct, sa Ermita, Maynila, ka­hapon ng madaling-araw.

Ang biktima ay kini­la­lang si alyas “Bunso”, welder ng L7 Construction, payat, nakasuot ng kulay black na short pants.

Tumakas ang suspek na si alyas “Jack”, na si­na­sabing mangingisda na residente ng Block 9,  Baseco compound, Port Area, Maynila .

Sa salaysay ng isang Reynaldo Arvis, 52, da­­kong alas-2:00 ng mada­ling-araw ay katabi niyang natutulog ang biktima nang magising siya sa ma­la­kas na sigaw nito at na­kita itong du­guan ha­bang ang sus­pek ay papa­takas, na tu­malon sa dagat nang ka­niyang habulin.