Elementary school, binulabog ng bomb threat

MANILA, Philippines -Binulabog ng bomb threat kahapon ng umaga ang Nangka Ele­men­tary School sa Brgy. Nangka, Marikina City kaya’t na­kansela ang pang-uma­gang klase matapos magsuguran ang mga magulang ng mga mag-aaral.

Sa pahayag ng school principal na si Marciana de Guzman, dakong alas-8:30 ng umaga isang babaeng nagpakilalang  Mrs. Cruz ang nagpaabot sa school guard na si Benito Belicio na may bombang nakatanim sa school building at maaari itong sumabog anumang oras at nag-ikot din umano ang ginang sa barangay at ipinamalita ang bomb threat.

Kaagad na ipinag-utos ng principal sa mga guro na palabasin ng kani-ka­nilang classroom ang mga bata at pinapunta sa co­vered court.

Rumesponde ang mga tauhan ng Explosives and Ordinance Division (EOD) at Special Wea­pon and Tactics (SWAT) ng Marikina City Police at matapos ang isang oras na pagsisiyasat ay idi­nek­larang ligtas sa bomba ang paaralan.

Sa kabila nito ay sinuspinde na rin ng mga school officials ang pang-umagang klase at pinauwi na ang mga magulang at mga estudyante.