NBI naglatag ng proseso sa pag-iimbestiga ng Taiwan sa Balintang Channel incident

MANILA, Philippines - Naglatag ng proseso ang National Bureau of Investigation (NBI) sa mga Taiwan authorities na sumang-ayon sa isasagawa nilang imbestigasyon ka­ugnay sa pagkamatay ng isa nilang mamamayan na nabaril  ng mga tauhan ng Philippine Coast Guard (PCG) na pumasok sa Ba­lintang Channel nang walang permiso mula sa  pamahalaan.

Alinsunod sa kasun­duan, uunahin muna ang pagsasagawa ng bal­lis­tic examination o pagsu­suri sa mga armas na ginamit sa Balintang Chan­nel incident na nag­tapos sa kamatayan ng mangingisdang si Hung Shih Chen.

Ayon kay NBI De­puty Director Virgilio Mendez, matapos ang bal­listic examination ay susunod na susuriin ang mga  sasakyang pandagat na sinakyan ng mga per­sonnel ng Philippine Coast Guard o PCG.

Ang mga susunod ani­yang gagawin matapos ang naturang proseso ay saka pa lamang nila ta­ta­­lakayin sa susunod na gagawin ng mga im­bestigador ng Taiwan.

Handa rin aniya silang ipakita sa Taiwanese in­ves­tigators ang video foo­tage sa nasabing insi­dente.

Kasama sa mga huma­rap sa pagpupulong kanina ay sina Mendez, Atty. Art Aviera ng Manila Economic Cooperation o MECO, Taiwan chief prosecutor Lin Yen Liang at iba pang opisyal ng NBI at Taiwan.

Hindi pa naman mati­yak ng NBI kung gaano katagal mananatili sa Pili­pinas ang Taiwanese investigators, subalit ang inisyal na usapan ay 3 araw lamang na maaari pang mapalawig.

Kabilang sa mga im­bes­tigador ng Taiwanese ay sina Investigator pro­secutors Lin Yeng Liang; Liu Chia Kai; Tseng Shih Che; Chang Hung Jui; investigators Lee Jia Jinn, forensic; Lee Jing Wei, firearm at Lin Guh Tyng, technician.