Bading inakalang informer itinumba
MANILA, Philippines - Isang 38-anyos na baÂding na napagkamalang police informer laban sa mga drug pusher ang binaril kahapon ng madaling-araw sa Tondo, Maynila.
Namatay noon din ang biktima na nakilalang si Gilbert Sison, alyas “Ashleyâ€, ng no. 793 Int. 15 Ma. Guizon St. Tondo, Maynila dahil sa dalawang tama ng kalibre .45 baril sa ulo.
Batay sa ulat, dakong alas-2:50 ng madaling-araw ay nakikipag-inuman ang biktima sa kanyang mga kaibigan sa lugar nang dumating ang isang lalaking may dalang baril at agad na binaril sa ulo ang biktima.
Nagtakbuhan ang mga kainuman ng biktima sa takot na sila ay barilin ng suspek na mabilis nawala sa kadiliman.
Batay sa pulisya, posible umanong napagkamalan ang biktima na nagbibigay ng impormasÂyon kaugnay sa talamak na bentahan ng droga sa lugar na naging dahilan para maaresto ang hinihinalang nagtutulak ng droga sa bahagi ng Dagupan, sa Tondo.
- Latest
