PPCRV suportado ng mining firm sa malinis at mapayapang halalan

MANILA, Philippines -Nagkaloob ng supor­ta kamakailan ang Sagittarius Mines Inc., ( SMI) sa  Parish Pastoral Council for Responsible Vo­ting (PPCRV) sa pagtataguyod nito ng malinis at ma­payapang halalan sa Mayo 13.

Tinitiyak ng PPCRV ang karapatang makaboto ng mamamayan at nagtataguyod ng malinis, tapat, maayos at mapayapang halalan at sa eleksi­yong ito ay nakatuon ang grupo sa ibang edukasyon.

Lumagda sa Memorandum of Understan­ding sina SMI General manager Mark Williams at PPCRV Chairperson  Tita De Villa kung saan nangangako ng suporta ang SMI sa layunin ng PPCRV.

Ayon naman kay De Villa, malaki ang maitu­tulong ng suporta ng SMI sa pagtataguyod nila ng malinis, tapat, tiyak, ma­kahulugan at mapayapang halalan.

Ang SMI ang kinon­trata ng gobyerno para paunlarin ang $5.9 bil­yong Tampakan cop­per-gold project sa Tampakan, South Cotabato.