1st day ng local absentee voting matumal

MANILA, Philippines - Inihayag kahapon ng pamunuan ng Commission on Elections (COME­LEC) na matumal ang 1st day ng local absentee voting sa bansa.

Saklaw ng local absentee voting ang mga emple­yado ng COMELEC, mga gurong naka-duty sa halalan, mga pulis at sundalong magbabantay ng peace and order sa araw ng eleksyon at mga taga-media.

Ayon sa COMELEC, mano-mano ang pagboto at ihahalal sa 12 senador at isang party-list na magtatagal hanggang bukas, Abril 30.

Pinapayagan naman ang pagdadala ng kodigo  sa pamamagitan ng cell phone subalit mahigpit ang pagbabawal sa pagkuha ng litrato sa balota.

Ito ang unang pagka­kataon na nakasama ang mga mamamahayag sa local absentee voting.