Buntis uminom ng abortion pills, naospital

MANILA, Philippines - Bantay-sarado ng mga otoridad ang isang 26-anyos na dalaga na ino­obserbahan sa Ospital ng Maynila, matapos malaglag ang nasa sina­pu­punang dalawang buwan fetus kamakalawa ng hapon.

Ayon kay SPO1 Ju­lieto Malindog, ng Ma­nila Police District-Homi­cide Section, sa­sam­pahan nila ng kaso ang dalaga na itinago sa pangalang “Giselle”, ng Paco, Maynila kung mapapatunayang sinadya nitong ilaglag ang dala­wang buwang sanggol sa kanyang sinapupunan.

Nabatid na isinugod si Giselle sa nasabing ospital dahil sa matinding sakit ng tiyan at pagdurugo matapos uminom umano ng isang gamot na pam­palaglag na nabili nito.

Nabatid na naka­tak­dang mangibang-bansa ang dalaga para mag­tra­baho.