16 Taiwanese dinakip ng NBI sa pekeng credit card
MANILA, Philippines - Labinlimang lalaki at isang babae na pawang Taiwanese na sangkot sa pekeng credit card scam ang dinakip ng mga tauhan ng National Bureau of Investigation (NBI) sa Balanga, Bataan.
Ang mga suspek na nasa edad 22 hanggang 25 ay agad na isinailalim sa inquest proceedings ng piskalya sa kasong paglabag sa access device law.
Nabatid na bahagi ng modus ng mga suspek na kumalap ng account information mula sa credit cardholder at sa pamamagitan nito nakakagawa na umano ang mga suspek ng pekeng credit card.
Iniimbestigahan pa ng NBI kung gaano na katagal at kalawak ang operasyon ng sindikato sa Subic Bay area.
Pinaalalahanan ng NBI ang mga credit card holÂder na mag-ingat sa mga nagkalat na nagnanakaw ng mga impormasyon sa credit card.
Mananatili ang mga Taiwanese sa pangangalaga ng NBI habang hindi pa sila nakapaghahain ng piyansa para sa kanilang pansamanÂtalang paglaya habang dinidinig ng husgado ang kanilang mga kaso.
- Latest
