Opisyal ng MTRCB hinoldap ng 4 na minor

MANILA, Philippines - Hinoldap ng apat na kabataan ang isang Executive Assistant ng Movies Television Radio Classification Board (MTRCB) at ang kanyang mister habang nag­lalakad pauwi sa kanilang tahanan sa Pasay City, kamakalawa ng gabi.

Ang biktimang si Hazel Valencia, 32, Executive Assistant ng MTRCB at residente ng 128 P. Manahan St. ng naturang lungsod ay nagtungo at nagreklamo sa Pasay City Police dahil sa panghoholdap sa kanila ng apat na minor-de-edad.

Sa salaysay ng bikti­ma, naglalakad sila ng kanyang mister papauwi dakong alas-10:00 ng gabi nang harangin at palibu­tan ng apat na binatilyo na armado ng patalim at sapilitang tinangay ang kanyang bag.

Hindi na nagtangka pang lumaban ang mag-asawa sa mga kabataang holdaper dahil na rin sa takot na baka patayin sila.

Kaugnay nito ay ipi­nag-utos naman ni Sr. Supt. Rodolfo Llorca, hepe ng Pasay police sa kanyang mga tauhan ang paggalugad sa naturang lugar upang madakip ng mga kabataang holdaper.