Aga Mulach tuloy ang kakera sa pulitika

MANILA, Philippines - Tuloy ang pagtakbo sa pulitika bilang kongresista ang actor na si Aga Mulach.

Sa 19 pahinang desisyon ng CA 12th Division, kung saan ipinag-utos nito sa Election Registration Board ng Comelec na maibalik sa listahan ng mga rehistradong botante sa San Jose, Camarines Sur si Aga kasama ang misis nito na si Charlene Gonzales.

Sa desisyong isinulat ni Associate Justice Vicente Veloso, ipinawalang bisa at isinantabi nito ang ruling ng San Jose, Camarines Sur RTC na nag-aalis sa mag-asawa sa voters list.

Una nang naglabas ng 60 araw na Temporary Restraining Order (TRO) ang CA pabor kay Muhlach.

Giit ng mga petitioners, malinaw namang nakasaad sa batas na ang isang botante ay dapat na nakatira sa isang lugar ng anim na buwan bago ang halalan at hindi ang registration.

Napag-alaman na ang mag-asawang Muhlach ay nakatira sa San Jose simula Pebrero 17, 2012 kaya’t nakasunod umano ang mga ito sa hinihinging residency requirement ng batas.