Lolo dedo sa motorsiklo

MANILA, Philippines - Dead-on-arrival sa ospital ang biktimang si Paulino Pagaduan, 67 ng Reyes St., Purok 3, New Lower Bicutan nang ito ay mabundol ng motorsiklo habang  tumawid mag-isa sa C-6 Road sa Taguig City kamakalawa ng alas-7:30 ng umaga.

Sumuko naman sa pulisya ang driver ng motorsiklong may plakang 4208 QD na si Cyril Comendador, 21, ng no. 231 Victory Hills Fortune, Marikina City pati na ang kanyang ka-angkas na si Eric Masangkay, 29, ng Gitnang Bayan, San Mateo, Rizal.

Sa ulat ng pulisya tumatawid na mag-isa sa C6 Road malapit sa Barangay Hall ang biktima nang mabundol ng motorsiklo ni Comendador.

Sa lakas nang pagkakabangga ay tumila­pon ang matanda habang sumemplang naman ang magkaangkas sa motorsiklo.