Negosyante itinumba sa sasakyan
MANILA, Philippines - Sa mismong driver seat ng kanyang minamanehong owner type jeep pinagbabaril at napatay ang isang 34-anyos na negosÂyante naganap kahapon ng madaling-araw sa Quezon City.
Ang biktima na namatay noon din ay nakilaÂlang si Ernani Domingo Carreon, residente sa Tatalon St., Brgy. Ugong Valenzuela City.
Batay sa ulat, dakong alas-4:00 ng madaling-araw nang makarinig ang ilang residente ng Diamond Villas Town, Zabarte Extension, Barangay Kaligayahan, Novaliches ng mga puÂtok ng baril.
Isang residente ang nagpahayag sa pulisya na nasa loob siya ng kanyang bahay nang makarinig siya nang mga putok ng baril sa labas.
Nang puntahan ang pinanggalingan ng putok ay nakita niya ang walang buhay na biktima na nakahandusay sa loob ng isang owner type jeep (PRG-547).
- Latest
