Dahil sa bagyong Quinta… Capiz, isinailalim sa State of Calamity
MANILA, Philippines - Bunsod ng mataas na tubig baha na dulot ng bagyong Quinta kaya isinailalim sa state of calamity ang ilang bayan sa lalawigan ng Capiz, kahapon.
Sa isang resolusyon ang mga kasapi ng Provincial Board ay nagdedeklara sa ilang bayan sa lalawigan ng Capiz sa state of calamity na kinabibilangan ng bayan ng Panay, Pontevedra at Panit-an na nasa unang distrito ng lalawigan. Sa ikalawang distrito ay ang mga bayan ng Cuartero, Dao, Dumalag, Sigma, Tapaz at Mambusao.
Nabatid na 12 bayan sa lalawigan ang lubog pa rin sa tubig-baha at ilang national highway ang hindi pa madaanan dahil sa malakas na agos ng tubig baha sanhi ng pag-apaw ng mga ilog.
Samantalang patuloy rin ang pagtaas ng bilang ng mga apektadong pamilya kung saan umaabot na sa 14,577 o kabuuang 54,962 katao.
Nananatili pa rin sa mga evacuation centers ang 1,921 na pamilya o 9,610 katao na mula sa mga bayan na apektado ng mga pagbaha.
- Latest
