Ginang inutas ng kuya dahil sa lupa
MANILA, Philippines - Pinagtataga hanggang sa mapatay ng isang kuya ang kanyang nakababatang kapatid na babae matapos na magtalo sa kanilang minanang lupain kamakalawa ng hapon sa Bayugan City, Agusan del Sur.
Ang nasawi ay nakilalang si Rosita Tumaquin, 42-anyos, may-asawa at residente ng nasabing lugar matapos na magtamo ng maraming taga sa katawan.
Ang suspek na tumakas ay nakilalang si Bebenciolo Tumaquin, 54-anyos, may-asawa.
Batay sa ulat, bago naganap ang krimen bandang alas-4:00 ng hapon sa Purok 4, Brgy. Grace State, Bayugan City, Agusan del Sur ay muling nagtalo ang magkapatid dahilan sa alitan sa lupa na pamana ng kanilang mga magulang.
Matapos pagtatagain ang ginang ay mabilis na tumakas ang suspek patungo sa hindi pa malamang destinasyon.
- Latest
