Dalawang sawi sa pag-ibig nagbigti
MANILA, Philippines - Ang pagkabigo umano sa pag-ibig ng dalawang lalaki ang dahilan ng kanilang pagbibigti sa magkahiwalay na insidente sa Gen. Trias, Cavite at Taytay, Rizal.
Natagpuan ang biktima na si Mark Paul Nocon, 4th year high school student at residente ng Pasong Camachile 1, Gen.Trias, Cavite na nakapulupot ng kumot sa leeg na isinabit sa bintana dakong alas-9:30 ng gabi.
Isinugod pa ito sa Gen. Trias Maternity and Pediatric Hospital, subalit idineklara itong dead-on-arrival.
Bago natagpuang nakabigti ang biktima ay nagsulat ito ng salitang “I QUIT” sa kanyang cell phone na pinaniniwalaan na may kinalaman sa pag-ibig ang pagpapakamatay nito.
Ganito rin ang nangyari sa biktimang si Leo Maligaya, 34, binata, residente ng #17B Uranus St.,Tancinco, Brgy. San Isidro, Taytay, Rizal na natagpuang nakabigti kahapon ng alas-5:00 ng umaga sa loob ng kanyang kuwarto ng kanyang nakatatandang kapatid na si Mary Jane.
Ayon kay Mary Jane, hindi ito ang unang pagtatangka ng kapatid sa
kanyang buhay dahil sa pagkabigo sa pag ibig.
- Latest
