Lakandula HS Golden Anniversary, Alumni Homecoming

MANILA, Philippines - Malugod na inaanyayahan ang mga nagretirong guro at kawani ng LakanDula High School-Tondo, Manila para makibahagi sa pagdiriwang ng 50th Founding Anniversary ng eskwelahan sa darating na Disyembre 6.

Bahagi ng nasabing selebrasyon ang pagsasagawa ng misa, ganap na alas-7:00 ng umaga. Gayundin ang pag­bibigay-pugay kay Lakan Dula, pagbibigay-daan sa mga huwarang karanasan ng mga retiradong guro at ang pagkakaroon ng cultural show na pangungunahan ng Sining Lahi Dance Troupe. Tinatawagan din ang mga nagsipagtapos sa nasabing paaralan para naman sa isasagawang Alumni Homecoming sa Disyembre 8. Ang okasyon ay sisimulan ng motorcade, ganap na alas-2:00 ng hapon, kasunod naman ang party na inihanda para sa kasiyahan ng lahat. Maaaring makipag-ugnayan kay Grace dela Cruz faculty president sa tel. 252-5094, 343-9269.