Utol dedbol kay kuya

MANILA, Philippines - Hindi sinasad­yang mapatay ng isang kuya ang bunsong kapatid matapos na pumutok ang baril na garand rifle na kanyang tinutok upang takutin lang ito sana matapos silang magkaroon ng mainitang pagtatalo naganap kamakalawa sa Brgy. Ka­yaga, Kabacan, North Co­tabato.

Hindi na umabot ng buhay sa University of Southern Mindanao Hospital ang biktima na kinilalang si  Smith Sangkupan, residente ng Sitio Agfa, Brgy. Kayaga, Kabacan  sanhi ng tinamong isang tama ng bala sa dibdib.

Kusang sumuko ang suspek sa pulisya na kinilalang si Angelito, nasa hustong gulang.

Batay sa ulat ng North Cotabato Police, bago naganap ang insidente bandang alas-9:40 ng umaga ay nagkaroon ng mainitang pagtatalo ang magkapatid sa isang bagay na hindi nabanggit.

Sa gitna ng bangayan ay itinutok ng suspek ang kaniyang garand rifle upang takutin lang umano ang kapatid, subalit hindi sinasadyang nakalabit umano ang ga­tilyo at pumutok na sumapul sa dibdib ng ka­patid.

Ang suspek ay naha­ha­rap sa kasong parri­cide.