Ginang tinangay ng agos nalunod
MANILA, Philippines - Nalunod ang isang 26-anyos na ginang na si Rosemarie Obregon, residente ng Brgy. Obial ng Kalamansig, Sultan Kudarat matapos itong tangayin ng malakas na agos ng tubig sa ilog habang naliligo kasama ang anak sa isang liblib na lugar sa nasabing bayan kamakalawa.
Batay sa ulat ng National Disaster Risk Reduction and Management Council (NDRRMC) bandang alas-3:00 ng hapon habang naliligo ang ginang kasama ang anak nang biglang tangayin ito ng malakas na agos.
Inireport ng nakaligtas na anak sa kaniyang ama ang insidente na agad nagsagawa ng search and rescue operation, subalit patay na ang biktima nang matagpuan matapos ang isang oras na paghahanap at napadpad sa Tipudos Bridge sa Brgy. Obial, Kalamansig ng lalawigan.
Nabatid na hindi umano marunong lumangoy ang ginang na posibleng sa katuwaang magtampisaw sa paliligo ay napadpad sa malalim na bahagi ng ilog.
- Latest
