Kelot binigti

MANILA, Philippines - Pinatay sa bigti ang isang miyembro ng notorious na “Sigue-Sigue Sputnik” gang at itinapon sa isang bakanteng lote ang bangkay nito sa Quezon City kahapon ng umaga.

Ayon kay PO2 Julius Balbuena, ang biktima ay walang pagkakakilanlan, pero isinalarawan nila ito sa pagitan ng edad 25-30, may taas na 5’4”, balingkinitan ang pangangatawan at nakasuot ng itim na t-shirt at kulay pulang short pants.

Sinabi ni Balbuena, maaring miyembro ng notoryus na gang na Sputnik ang biktima dahil sa nakitang tattoo nito sa kanyang kanang dibdib.

Ang bangkay ng biktima ay natagpuan ganap na alas-5:30 ng umaga sa bakanteng lote sa kahabaan ng Pall Mall St., sa Barangay East Fairview sa lungsod.